३० जेठ २०७७–खोटाङ । जिल्लाको सदरमुकाम दिक्तेल बजारमा पश्चिम रुकुम चौरजहारी हत्याकाण्डको बिरोधमा नारा–जुलुससहित साँकेतिक हात हतियार प्रदर्शन गरिएको जानकारी प्राप्त भएको छ ।
आफ्नो प्रेमीका लिन पश्चिम रुकुम पुगेका जाजरकोटस्थित भेरी नगरपालिका–४ का २१ वर्षीय नवराज विश्वकर्मा सहित छ जनाको हत्याको विरोधमा घोषित पुर्ब कार्यक्रम अनुसार सांकेतिक हतियार प्रदर्शन गरिएको संयुक्त संघर्ष समितीका संयोजक दिपक ठटालको भनाई रहेको छ ।
यहि जेठ १० गते सामुहिक हत्या गरिएको विरोधमा जिल्लामा गठित संयुक्त संघर्ष समितिले एकोहोरो पञ्चेबाजा बजाउँदै विभिन्न हातहतियारका साथमा दिक्तेलको हाटडाँडादेखि रत्नपार्कसम्म नाराजुलुस सहित कोण सभा सम्पन्न गरेको खबर प्राप्त भएको हो ।
प्रदर्शनका क्रममा गृहमन्त्रीको राजिनामा, घटनाका दोषीलाई कारबाही, राज्यको सबै तहमा जनसंख्याको आधारमा समानुपातिक प्रतिनिधित्वको ग्यारेन्टी लगाएतको माग गरेको जनाएकाछन् । संयोजक ठटालका अनुसार उद्देश्य प्राप्ति नभएसम्म आन्दोलन नरोकिने बताएकाछन् ।
घोषित कार्यक्रम अनुरुप जिल्लामा यसअघि पनि मसाल जुलुस, धर्ना लगायतका विभिन्न विरोधका कार्यक्रमहरु सम्पन्न गर्दै आएको संयुक्त संघर्ष समितीका सदस्य मिलन चाहारको भनाई रहेको छ । हाल उक्त अमानबिय घटनाको सडकदेखि संसदसम्म छलफल तथा बहस भइरहेको छ । घटनाका विषयमा अनुसन्धान भइरहेको प्रहरीको भनाई रहेको छ ।
सूचना विभाग दर्ता नं. – १५०३/०७६/०७७
प्रवन्धक/सम्पादक : लोकमणि रिजाल
सह-सम्पादक :अस्मिता खत्री
सह-सम्पादक : तेन्जु योन्जन (मलेसिया)
कानूनी सल्लाहकार : ओम प्रकाश घिमिरे
दिक्तेल, रुपाकोट मझुवागढी-१४ खोटाङ्ग, प्रदेश नं. १
मोबाईल नं ९८४२९०६६४२
Email: [email protected]