जुनियर कर्मचारीलाई हाकिम मान्नुपर्ने निजामतीको समस्या ।

देश पोष्ट /काठमाण्डौं । राज्य पुनसंरचना भएसंगै संघियता कार्यान्वयनको लागि निजामती कर्मचारीहरुमा देखिएको समस्या हाल सम्म पनि ज्यू का त्यू नै रहेको, जुनियर कर्मचारीलाई हाकिम मान्नुपर्ने समस्या रहेकाले कर्मचारी बिचमै राज्यले द्वन्द सिर्जना गराएको निजामती कर्मचारीहरुको गुनासो रहेको छ ।

सङ्घीय संरचनामा कर्मचारीको व्यवस्थापन गर्न बनेको तत्कालीन नेकपा सरकारले कर्मचारी अध्यादेश २०७५ को जारी भयो र यसको कर्मचारीस्तरबाट विरोध भएपनि मन्त्रिषरिषद्ले प्रशासन सेवा, सामान्य प्रशासन समूहको दरबन्दी ह्वात्तै बढाएसँगै विरोध रोकिएको थियो ।

कर्मचारी समायोजनमा प्रशासन सेवा, लेखा समूह र शिक्षा सेवा जसमध्ये अधिकृत कर्मचारीहरू अझ बढी मारमा परेको गुनासो ब्यक्त गरेका छन् ।

कर्मचारी समायोजनका बेला मन्त्रालयबाट धम्कीपूर्ण रूपमा रोज्नु पर्ने तह नरोजेमा जुनसुकै तहमा समायोजन गर्ने सूचना जारी गर्दै कर्मचारीलाई समायोजन फाराममा धेरै भन्दा धेरै तहहरू रोज्न बाध्य बनाइयो।

यसरी समायोजित भएका अधिकृत कर्मचारीहरुमध्ये गाउँपालिकामा समायोजन भएका अधिकृत कर्मचारीलाई आफूभन्दा जुनियर सङ्घको अधिकृत हाकिम बनाएर पठाएपछी कर्मचारी बिचमै द्वन्द सिर्जना गराएको कर्मचारीहरुको आरोप रहेको छ ।

काभ्रे जिल्लाको रोशि गाउँपालिकामा २०७४ सालमा खुला प्रतिस्पर्धाबाट लेखा अधिकृतमा स्थायी नियुक्ति हुनु भएका लेखा अधिकृत सुमित्रा पौडेल अधिकृत स्तर सातौँ तहमा समायोजन भई २ वर्षदेखि कार्यरत हुनुहुन्छ भने त्यसै गाउँपालिकामा २०६९ सालमा शिक्षा सेवा को शाखा अधिकृत नियुक्ति हुनु भएका रामबहादुर तामाङ समायोजन पश्चात् अधिकृत स्तर आठौँ तहमा कार्यरत हुनुहुन्छ तर हाल उक्त पालिकामा २०७७ असार ९ गते नायब सुब्बाबाट ज्येष्ठ तथा कार्यसम्पादनका आधारमा बढुवा भई अधिकृत हुनु भएका अधिकृत परशुराम थापालाई सङ्घीय मामिला तथा सामान्य प्रशासन मन्त्रालयले २०७८ साउन १ गतेको मितिमा प्रमुख प्रशासकीय अधिकृतको कामकाजका लागि पठाएको छ ।

निजामती कर्मचारीहरुमा यो सानो उदाहरण मात्रै हो, यस्ता थुप्रै घटनाहरु मुलुकमा रहेको छ, समायोजनका बखत कर्मचारीहरुलाई जबरजस्ती स्थानीय तहमा पठाइयो ।

कर्मचारीको वृत्ति विकासको अधिकारलाई कुण्ठित गरियो । अहिले जुनियर अधिकृत हाकिम बनाएर पठाउँदा कर्मचारीहरुको मनोबल खस्केको छ । हीनताबोध महसुस भएको छ । यस्तो अबस्थामाा सङ्गठनले कर्मचारीहरु बाट गर्ने अपेक्षा पुरा हुन सक्दैन ।

यो व्यवस्थाले आजको खरिदार पदको कर्मचारी शाखा अधिकृतमा बढुवा भई हाकिम बनेर आउने अवस्था सिर्जना भयो किनकि अब उपसचिव पदमा बढुवा हुने कुनै माध्यम नै छैन र सङ्घमा दरबन्दी नै कम भएको भन्दै सम्बन्धित निकायले समयमै ध्यान दिनका लागि अपिल समेत गरिएको छ ।