हलेसी तुवाचुङ नगरपालिकामा “तपाईको माक्स खै” अभियान सञ्चालन ।

९ भाद्र २०७७–खोटाङ । कोरोना भाईरस कोभिड १९ को जोखिम न्युनिकरणका लागि जिल्लाको हलेसी तुवाचुङ नगरपालिकाको हलेसीबजारमा ‘तपाईको मास्क खै ?’ अभियान सञ्चालन भएको जानकारी प्राप्त भएको छ ।

नागरिकहरुमा मास्कको प्रयोगको बारे सचेतना फैलाउने हिषाबले नगरपालिका र ईलाका प्रहरी कार्यालय हलेसीको सहकार्यमा मंगलबार ‘तपाईको मास्क खै ?’ अभियान सञ्चालन सञ्चालन गरिएको हलेसी तुवाचुङ नगरपालिकाका मेयर इवन राईको भनाई रहेको छ ।

‘आफु बचौं र अरुलाई पनि बचाऔं’ भन्ने नारासहित हलेसीको माल्खु ग्यारेज टोलबाट सुरु भएको सचेतना ¥याली लाकुरीभन्ज्याङ, बैंकचोक, रिठ्ठाबोटे, मन्दिर प्राङ्गण, डाँडाबजार हुँदै पुनः लाकुरीभन्ज्याङमा पुगेर समापन गरिएको नगरले जनाएको छ ।

अभियानकाक्रममा अति आवश्यक काम बेगर हिडडुल नगर्न, आफुलाई रोग नसार्न र अरुलाई नबाँड्न, सामाजिक तथा भौतिक दुरी कायम गर्न आग्रह गरिएको छ । अभियानकाक्रममा मास्क लगाउने तरिका सिकाउनुका साथै स्थानीयलाई मास्क वितरण समेत गरिएको जनाइएको छ ।