देशपाेष्ट/काठमाण्डाैं । सरकारी स्वामित्वको दुरसञ्चार सेवा प्रदायक कम्पनी नेपाल टेलिकमले तिहार र छठलाई लक्षित गरेर मोबाइल रिचार्जमा १० प्रतिशत बोनसको अफर ल्याएको छ ।
फेस्टिभ अफरको रुपमा सञ्चालन गरिएको यस अफर रिचार्ज कार्ड तथा पाेस मेसिनमा मात्रै लागू हुने उल्लेख गरिएको छ । यसको अर्थ नेपाल टेलिकमको रिचार्ज कार्ड खरिद गरी रिचार्ज गरेको खण्डमा र विभिन्न स्थानमा उपलब्ध हुने पाेस मेसिन प्रयोग गरि रिचार्ज गर्दा यो बोनस प्राप्त गर्न सकिन्छ ।
यस अन्तर्गत २० रुपैयाँदेखि ५० रुपैयाँको रिचार्जमा ५ मिनेट, ५१ देखि सय रुपैयाँको रिचार्जमा १० मिनेट, १ सय १ रुपैयाँदेखि २ सयसम्मको रिचार्जमा २० मिनेट बोनस प्राप्त गर्न सकिन्छ । त्यसरी प्राप्त भएको बोनस कल एक दिनसम्म प्रयोग गर्न सकिने छ ।
त्यस्तै दुई सय १ रुपैयाँदेखि ४ सय ९९ रुपैयाँसम्मको रिचार्जमा ३० मिनेट, ५ सयदेखि ९ सय ९९ रुपैयाँसम्मको रिचार्जमा ५० मिनेट र हजार रुपैयाँभन्दा बढिको रिचार्जमा सय मिनेट बोनस कल उपलब्ध हुने उल्लेख गरिएको छ ।
सूचना विभाग दर्ता नं. – १५०३/०७६/०७७
प्रवन्धक/सम्पादक : लोकमणि रिजाल
सह-सम्पादक :अस्मिता खत्री
सह-सम्पादक : तेन्जु योन्जन (मलेसिया)
कानूनी सल्लाहकार : ओम प्रकाश घिमिरे
दिक्तेल, रुपाकोट मझुवागढी-१४ खोटाङ्ग, प्रदेश नं. १
मोबाईल नं ९८४२९०६६४२
Email: [email protected]