ब्लड क्यान्सर बालिकालाई गोर्खाज फुटबल क्लबको आर्थिक सहयोग

देश पोष्ट /काठमाण्डौं । ब्लड क्यान्सरबाट पिडित वालिकालाई गोर्खाज फुटबल क्लब अस्ट्रेलियाले आर्थिक सहयोग गरेको छ ।

खोटाङ जिल्लाको साकेला गाउँपालिका वडा नं.–२ रतन्छा, स्थीत उपदेश राईको ४ वर्षीय छोरी आकृती राईलाई सहयोग गरेको हो ।

बालिकाको काठमाण्डौ, महाराजगञ्ज स्थीत कान्ति बाल अस्पतालमा बिगत केही महिना अगाडिबाट उपचार भैरहेको छ । क्लबका सदस्य रविन कुन दिखलिपाको पहलमा रकम संकलन गरि चौरासी हजार एक सय रुपैयाँ (८४,१००) भाद्र ३० गत्ते पिडित वालिकाको बुबा उपदेश राईलाई साकेला गाउँपालिकाको युवाहरुद्रारा बुझाइएको युवा अभियानता सागर राईले बताए ।

पिडित परिवारको आर्थिक अवस्था कमजोर भएकाले यो भन्दा अगाडि पनि विभिन्न ब्यक्ति, समूह तथा संग–सस्थाहरुले बालिकाको उपचारको निम्ती आर्थिक सहयोग गर्दै आउनु भएको सागर राईको भनाई रहेको छ ।

गोर्खाज फुटबल क्लब अस्ट्रेलियामा अवस्थीत भएता पनि नेपाली युवाहरुद्रारा खोलिएको हुनाले नेपालमा भैपरी आउने यस्ता थुप्रै समाजसेवाको कार्यहरुमा सहभागी हुँदै आइरहेको अभियानता राईले सुनाए । उक्त क्लब अस्ट्रेलियामा सन २००८ मा खोलेको हो भने हाल क्लबका मेनेजर शैलो गुरुङ रहेका छन् ।