अपाङ्गता भएका मानिसहरुलाई यातायातमा चरम लापरबाही

खोटाङ । मुलुकमा लामो संर्घष पछी बनेको नेपालको इतिहांसमै सबैभन्दा राम्रो संबिधान नेपालको संबिधान २०७२ नेपालीहरुको गर्ब हो , गौरब हो ।

जुन संबिधानले दिएको अधिकार जनताले पाउदैछन् की छैनन् ? त्यसको लेखाजोखा कहिले हुन्छ ? कहाँ हुन्छ ? कसले गर्छ ? बर्षमा असोज ३ गत्ते धुमधामका साथ संबिधान दिबस मनाउने तर सो को कार्यान्वयनको अबस्थाका आकलन नै नगर्नुको एउटा पराकाष्ट हो यातायातमा अपाङ्गता भएकाहरुलाई गरिने चरम लापरबाही ।

जिल्लामा लामो तथा छोटो दुरीमा चल्ने साना तथा ठुला सवारीहरुले अपाङ्गता भएका ब्यक्तीहरुलाई दिने सामाजिक सुरक्षामा छुट नदिने गरेको अन्य सपाङ्ग ब्यक्तीलाई गर्ने जस्तो ब्यबहार गर्दै आएको अपाङ्ग महासंघका दिक्तेल रुपाकोट मझुवागढी नगर अध्यक्ष उमेशचन्द्र आचार्यले गुनासो ब्यक्त गरेका छन् ।

समान्यतया एकपटकको यातायातमा यात्रा गर्दा २ अपाङ्ग सिट सहित छुट दिनु पर्नेमा धेरै पुर्पक्षका साथ एक सिट मात्रको छुट दिने गरेको अपाङ्ग सेवा समितीको जिल्ला अध्यक्ष पृथी जिम्वाले जानकारी गराएकाछन् ।

पटक पटक यातायात ब्यबसायीले सामाजिक सुरक्षा बिद्येयक २०७२ ले पारित गरेको ब्यबस्थालाई यातायात ब्यबसायीले कार्यान्वयन गर्न अटेर गरी अपाङ्गता भएकाहरुलाई हैरान दिएपछी जिल्ला प्रशासनमा छलफल गर्दा प्रमुख जिल्ला अधिकारीले १०० प्रतिशत छुट नदिए कार्वाही गर्ने आश्वासन दिएको आचार्यको भनाई रहेको छ ।
आश्वासन पछी पनि अपाङ्गहरुले राहत नपाएको कारण अपाङ्गता भएकाहरुमाथी यातायात ब्यबसायीहरुबाट चरम लापरबाही भएको अपाङ्ग सेवा समिती वडा समिती जाल्पा अध्यक्ष प्रेम गुरुङले गुनासो ब्यक्त गरेकाछन् ।