१३ बैशाख २०७७– खोटाङ । जिल्लाको दिप्रुङ चुईचुम्मा गाउँपालिकाले नियमित रुपमा औषधि सेवन गरिरहेका विभिन्न प्रकृतिका बिरामीलाई उनीहरुको घरैमा लगेर निःशुल्क औषधि वितरण गरिरहेको जानकारी प्राप्त भएको छ ।
लकडाउनका कारण औषधि लिन जान नपाउँदा समस्यामा परेका बिरामीलाई गाउँपालिकाले शुक्रबार देखी सबै वडाको वडा घरघरमा पुगेर निःशुल्क औषधि वितरण शुरु गरेको खबर प्राप्त भएको हो । पालिकाले नियमित औषधी खाइरहेका बिरामीहरुलाई दुई दिन भित्र औषधि वितरणको काम सक्ने गाउँपलिकाले जनाएको छ ।
ब्लड प्रेसर , सुगर , युरिक एसिड ,मुटुरोग, ग्याष्ट्रिक, अल्सर, पिसाब पोल्ने समस्या भएका र नियमित औषधि सेवन गरिरहेका बिरामीलाई गाउँपालिकाको तर्फबाट औषधि ल्याएर निःशुल्क वितरण गरिएको दिप्रुङ चुईचुम्मा गाउँपालिकाका प्रमुख भूपेन्द्र राईले बताएकाछन् ।
पालिकाको वडा नं १ याम्खामा ८० जना, वडा नं २ डाँडागाउँमा ३३ जना,वडा नं ३ छोरम्बुमा ११ जना, वडा नं ४ बतासेमा ६७ जना, वडा नं ५ स(छितापोखरीमा ३७ जना, वडा नं ६ छितापोखरीमा २५ जना र वडा नं ७ टेम्मामा ५५ गरि ३ सय ८ जना बिरामीले नियमित रुपमा औषधि सेवन गरिरहेको तथ्याङ्क पालिकाको श्वास्थ्य शाखामा रहेको छ ।
लकडाउनका कारण बाहिरी जिल्लाबाट औषधि ल्याउन नपाउदा अधिकांश विरामिको औषधि छिट्टै सकिने हुदा गाउँपालिकाले १५ दिन सम्म पुग्ने औषधि वितरण गरेको जनाएको छ ।
कोरोना भाइरस (कोभिड (१९ )को रोकथाम तथा नियन्त्रणमा सबैको ध्यान केन्द्रित भइरहेको अवस्थामा गाउँपालिकाले रुघाखोकी, झाडापखाला, ज्वरोलगायतका मौसमी महामारी फैलिने खतरा पनि उत्तिकै भएको भन्दै स्वास्थ्य संस्थालाई पाँच लाख मूल्य बराबरको जगेडा औषधि खरिद गरेर प्रदान गरेको गाउँपालिका प्रमुख राइले बताएकाछन् ।
संकटको बेलामा पनि गाउँपालिकाले औषधि खरिद गरेर हामी बिरामिहरुको घरघरमा आएर निःशुल्क औषधि बितरण गर्दा “पालिका साँच्चै हम्रो अभिभाबक रहेछ भन्ने महसुस भयो” एक बृद्वा बिरामीले ब्यक्त गरिन् ।
सूचना विभाग दर्ता नं. – १५०३/०७६/०७७
प्रवन्धक/सम्पादक : लोकमणि रिजाल
सह-सम्पादक :अस्मिता खत्री
सह-सम्पादक : तेन्जु योन्जन (मलेसिया)
कानूनी सल्लाहकार : ओम प्रकाश घिमिरे
दिक्तेल, रुपाकोट मझुवागढी-१४ खोटाङ्ग, प्रदेश नं. १
मोबाईल नं ९८४२९०६६४२
Email: [email protected]