दिक्तेल नगरपालिकाको जनता गाँउ फर्काउने निर्णय , गृहको आदेश पछी रोकियो ।

१७ बैशाख २०७७–खोटाङ । जिल्लाको दिक्तेल रुपाकोट मझुवागढी नगरपालिकाले लकडाउनको कारण काठमाण्डौमा अलपत्र परेका तथा अती समस्यामा परेका आफ्ना नागरिकहरुलाई बैशाख १८र १९ गत्ते गाँउ लाने भनेकोमा गृह मन्त्रालयको आदेश पछी नलाने निर्णय गरेको जानकारी प्राप्त भएको छ ।
विश्वब्यापी कोरोना भाइरस (कोभिड(१९) को महामारीको कारण राज्यको लामो समयको लकडाउन भएपछी केन्द्र र प्रदेश सरकार संग समन्वय गरी बिभिन्न स्थानिय तहहरुले काठमाण्डौमा लकडाउनका कारणले रोकिएका नागरिकहरुलाई गाँउ फर्काउदै आएको थिए । सोही क्रममा पछिल्लो बैशाख १५ को लकडाउनको समय थपिएपछी दिक्तेल रुपाकोट मझुवागढी नगरपालिकाले पनि श्वास्थ्य परिक्षणको पुर्बतयारी अपनाएर बैशाख १८ र १९ गते काठमाण्डौका नागरिकहरुलाई गाँउ फर्काउने तयारी गरेको जानकारी दिएको थियो ।
पछिल्लो लकडाउनको समय थपिएपछी काठमाण्डौ भित्रिने र बाहिरिने क्रम बढ्न थालेपछी गृह मन्त्रालयले आफ्नो मातहतका सबै कार्यालयलाई लकडाउनको पुर्णपालनामा कडीकडाउ गरेपछी सबै निकायले नागरिकहरु लान नपाएको नगरपालिकाका मेयर दिपनारायण रिजालले जानकारी दिएकाछन् ।
अब अती समस्यामा परेका नागरिक हरुका लागि उनीहरु बसेकै स्थानमा राहतको ब्यबस्थापन गरिने तर कती र कहिले गरिने भन्ने कुराको बारेमा भोली निर्णय गरेर कायान्वयन गरिने भएकाले कोही पनि नागरिकहरुलाई नआत्तिन नगरले अनुरोध गरेको र कोही पनि नागरिकले भोकै बस्नु नपर्ने खोजी खोजी राहत बितरण गरिने भएकाले संकटको बेला जनतामा पर्न गएको असुबिधा प्रती नगरपालिका क्षमाप्रार्थी रहेको समेत मेयर रिजालको भनाई रहेको छ ।
अत्यावश्यक काम बाहेकका कसैलाई पनि पालिका प्रवेश गर्न नदिईने साथै संक्रमित क्षेत्रबाट आउने नागरिकहरूलाई अझ बढि निगरानीमा राखी क्वारेन्टाइनमा अनिवार्य राख्ने निर्णय भएकाले सबै नगरबासीहरुले लकडाउनलाई पुर्ण पालना गरि आफ्नो श्वास्थ्यको ख्याल राख्न समेत मेयर रिजालले अनुरोध गरेकाछन् ।