आज: | Fri, 22, Sep, 2023
देश पोस्ट हरीप्रसाद ढकाल
प्रधानाध्यापक ः श्री जोरपाटी माध्यमिक विद्यालय सुर्यबिनायक १० भक्तपुर ।
कोरोना रोग
प्रलयकारी भई
विश्वमा छायो ।१।
नेपाल पनि
के रहन्थ्यो अछूतो
यसैले खायो ।२।
किन फैलियो
यो भवसागरमा
औषधि छैन ।३।
डुलिहिँड्ने यो
मान्छेको हालत लौ
लखतरान ।४।
खुट्टा छन् टाठा
शरीर स्वतन्त्र छ
हिँड्ने कहिले ?५।
देखिन्न केही
कहाँबाट आउँछ
अदृश्य साङ्लो !६।
मन छ फुक्का
चन्चले आँखाहरू
बाटो नै छैन ।७।
खाऊ रमाऊ
घरमै बसिराख
कसरी खाने ?८।
भोक र रोग
कुन ठूलो हो भन्ने
चल्यो बहस ।९।
दैवको लीला
मान्ने कि नमान्ने हो
विज्ञान जिल्ल ।१०।
रुपियाँ पैसा
रोगले सताउँदा
खेर गो किन ?११।
मान्छेको साथी
हुनुपर्ने मान्छे नै
तर डरायो ।१२।
भएर साफ
मन अनि शरीर
नमस्ते गर ।१३।
मानव धर्म
कमिसनको खेल
धिक्कार छ है !१४।
सूचना विभाग दर्ता नं. – १५०३/०७६/०७७
प्रवन्धक/सम्पादक : लोकमणि रिजाल
सह-सम्पादक :अस्मिता खत्री
सह-सम्पादक : तेन्जु योन्जन (मलेसिया)
कानूनी सल्लाहकार : ओम प्रकाश घिमिरे
दिक्तेल, रुपाकोट मझुवागढी-१४ खोटाङ्ग, प्रदेश नं. १
मोबाईल नं ९८४२९०६६४२
Email: [email protected]
