पर्साको ठोरीस्थित सीता गुफा नजिकै रहेको सीमा स्तम्भ उखेलेको अबस्थामा ।

४ श्रावण २०७७–काठमाडौं ।  भगवान श्रीराम नेपालकाहुन् भन्ने अभिब्यक्ती प्रधानमन्त्री के.पी.शर्मा वलीले दिए संगै पर्साको ठोरीस्थित सीता गुफा नजिकै रहेको सीमा स्तम्भ उखेलेर फालेको खबर प्राप्त भएको छ ।

प्रधानमन्त्री केपी शर्मा ओलीले भगवान रामको जन्मभूमि अयोध्या ठोरीमा पर्ने उदघोष गरेसँगै सीता गुफा क्षेत्र एकाएक चर्चामा आइरहेको छ ।

प्रसिद्ध धार्मिकस्थल सीता गुफादेखि दक्षिणतर्फ सोमेश्वर पहाडमा रहेको ४३६ नम्बरको सीमा स्तम्भ उखेलेर फालिएको अवस्थामा फेला परेको सशस्त्र प्रहरी बोर्डर आउट पोष्ट ठोरीका प्रहरी निरीक्षक दीपक दाहालले जानकारी दिएकाछन् ।

सीमा स्तम्भ कसले र किन उखेलेर फाल्यो भन्ने विषयमा केही खुल्न नसकेको र यसबारे थप अनुसन्धान भइरहेको दाहालको भनाई रहेको छ ।

ठोरी गाउँपालिकाका अध्यक्ष पदमलाल श्रेष्ठले बिहान पूजापाठ हुँदासम्म नेपाल–भारत सीमामा अवस्थित सीमा स्तम्भ देखिएको तर अपरान्ह एकाएक नदेखेको बताएकाछन् ।

भगवान राम जन्मेको भनिएको अयोध्या भूमि ठोरीबारे खोज तथा अनुसन्धान हुनुपर्ने चौतर्फी दवाब भइरहेको समयमा सो कामलाई प्रभावित पार्ने तत्वहरुले यो काम गरेको हुने सक्ने श्रेष्ठको भनाई रहेकोछ ।

वर्षौंदेखि त्यही अवस्थामा सीमा स्तम्भ रहन सक्छ । तर एकाएक अयोध्या भूमिको रुपमा ठोरी चर्चामा आएपछि सीमा स्तम्भ उखेलिनु सुनियोजित नै हुन सक्छ । सीमा स्तम्भको विवाद खडा गरेर खोज तथा अनुसन्धानलाई प्रभावित पार्न खोजेको हुन सक्ने बिज्ञहरुको भनाई रहेको छ ।