बुइपामा निःशुल्क सुरक्षित गर्भपतन सेवा ।

देश पोष्ट/३० असोज २०७७–खोटाङ । जिल्लाको दिक्तेल रुपाकोट मझुवागढी नगरपालिका वडा नं.–१४ बुईपा श्वास्थ्यचौकीमा निःशुल्क सुरक्षित गर्भपतन सेवा शुरु भएकोे जानकारी प्राप्त भएको छ ।

पछिल्लो समय कानुनले तोके बमोजिम असामान्य अबस्थामा बाहेक गर्भ रहेको ९ हप्ता सम्म र अनिच्छाकाबिचमा बसेको गर्भपतन गर्न पाउने नेपाल सरकारले कानुनमा ब्यबस्था गरे बमोजिम स्वास्थ्यचौकी बुईपामा निःशुल्क सुरक्षित गर्भपतन सेवा सुरु गरिएको मेयर दिपनारायण रिजालको भनाई रहेको छ ।

बिहीबार श्वास्थ्य चौकी बुइपामा सुरक्षित गर्भपतन सेवाको उद्घाटनका क्रममा ९ हप्तासम्मको गर्भ पूर्ण गोपनीयताका साथ निःशुल्क र सुरक्षितसाथ पतन गर्नेगरी सेवा सुरु गर्नको लागि जनस्वास्थ्य बिभागबाट गर्भपतन गराउने लाइसेन्स लिएर तथा सो सम्वन्धी तालिम प्राप्त नर्सको व्यवस्था गरेर स्वास्थ्यचौकीमा निःशुल्क गर्भपतन सेवा सुरु गरिएको हो गरिएको बुईपाका वडाध्यक्ष दिनेश राईले बताएकाछन् ।

अझैपनि समाजमा ब्याप्त रहेको छोरा जन्माउने आसमा सन्तानको बृद्दी र यौन क्रियाकलापमा अस्थाई साधनहरुको प्रयोग आदि नगर्नुले अनिच्छाका बिचमा गर्भ रहनुले आमाहरुको श्वास्थ्यमा असर नपरोस खुलेर श्वास्थ्यका बारे कुराकानी गर्न सकुन् भन्ने हिषाबले निशुल्क सुरक्षित गर्भपतन सेवाको सुरु गरिएको श्वास्थ्यचौकी बुइपाले जनाएको छ ।

यस अघि जिल्लाका कतिपय क्लिनिकमा महंगो शुल्क तिरेर जोखिम मोलेर गर्भपतन गर्नुपर्ने अबस्था रहेकाले सो समस्यालाई मध्यनजर गर्दै स्वास्थ्यचौकीमा निःशुल्क गर्भपतन सेवाको व्यवस्था गरिएको वडाध्यक्ष राईको भनाई रहेको छ ।