सडकमा नजाने,अदालतको फैसला मान्ने –सभापती देउवाको

देश पोष्ट/ काठमाडौं । संसद बिघटनको बिरोधमा सडक आन्दोलन नगर्ने, अदालतले न्याय दिन्छ भन्ने ढुक्क रहेको काग्रेंस सभापती शेर बहादुर देउवाको भनाई रहेको छ ।

सभापति शेरबहादुर देउवाले संसद विघटनको मुद्दामा कोरोना भाइरस कोभिड १९ का् महामारीका कारण सडकमा नगएको र सर्वोच्च अदालतले आफूहरुलाई न्याय दिने विश्वास व्यक्त गर्नु भएको छ ।

नेपाल प्रेस युनियनको ३० औं वार्षिक उत्सवको अवसरमा बिहीबार अनलाइन माध्यमबाट सम्बोधन गर्दै देउवाले राष्ट्रपतिले मध्यरातमा असंवैधानिक रुपमा संसद विघटन गरेकाले आफूहरु न्याय खोज्न अदालत जानुपरेको बताउनु भएको छ ।

१४९ जना सांसदको हस्ताक्षरसहित देउवाले प्रधानमन्त्रीमा दावी गरे पनि राष्ट्रपतिले केही सांसदको समर्थन दोहोरो परेको भन्दै नियुक्ति दिन अस्वीकार गर्नु भएको थियो ।