बडहरेको कोभिड संक्रमित गर्भवतीलाई उपमेयरद्वारा पोषिलो खानेकुरा

देश पोष्ट /काठमाण्डौं । खोटाङका हलेसी तुवातुङ नगरपालिका वडा नं ४ बडहरेकी कोरोना संक्रमित गर्भवती महिलालाई नगरपालिकाकी उपप्रमुख बिमला राईले पोषिलो खानेकुरा प्रदान गर्नु भएको छ ।

गर्भवती भएकाबेला पोष्लिो खानेकुरा खानु पर्ने कोरोनाको संक्रमणका कारण शरिरको शक्ती नास हुने भएकोले ब्यक्तीगत खर्चमा बडहरेकी गर्भवती महिला लाई दुई क्यारेट अण्डा, दुई डल्ला नुहाउने साबुन र एक बट्टा हर्लिक्स प्रदान गर्नु भएको हो ।

कोरोना भाइरस कोभिड १९को संक्रमण पुष्टि भएपछी २० दिनसम्म होम आइसोलेसनमा बसेकी ती महिलालाई उपप्रमुख राईले शनिवार घरैमा पुगेर पोषिलो खानेकुरा प्रदान गर्नु भएको हो ।
उमप्रमुख राई संग गएका स्वास्थ्यकर्मीको टोलीले शनिवार एन्टिजेन टेष्ट गर्दा नेगटिभ आएसंगै ती महिला कोरोनामुक्त भएकी छन् ।