खोटाङमा १३७० जना संक्रमितमा ५९६ संक्रमणमुक्त ।

देश पोष्ट /खोटाङ । कोरोना भाइरस कोभिड १९ को दोस्रो चरणको महामारी बाट संक्रमित भएका जिल्लाका १३७० मध्ये ५९६ जना संक्रमण मुक्त भएकाछन् ।

गत शुक्रबारसम्ममा कुल १ हजार ३७० जनालाई संक्रमण हुँदा २३३ पुरुष र १३८ महिलाले संक्रमण मुक्त भएको जिल्ला स्वास्थ्य कार्यालय खोटाङले जनाएको छ ।

संक्रमण मुक्त हुनेहरुमा दिक्तेल रुपाकोट मझुवागढी नगरपालिकाका २०९ जना, हलेसी तुवाचुङ नगरपालिकाका १०५ जना, रावाबेँसी गाउँपालिकाका ५० जना, केपिलासगढी गाउँपालिकाका १० जना, ऐसेलुखर्क गाउँपालिकाका ६४ जना, जन्तेढुंगा गाउँपालिकाका ३८ जना, खोटेहाङ गाउँपालिकाका २४ जना, साकेला गाउँपालिकाका ६९ जना, दिप्रुङ चुईचुम्मा गाउँपालिकाका १८ जना र बराहपोखरी गाउँपालिकाका ९ जना रहेकाछन् ।

यस बिचमा कोरोना संक्रमण भएका ६ जनाको निधन भएको वास्थ्य कार्यालय खोटाङका प्रमुख पुण्यप्रसाद सिग्देलले जानकारी दिनु भएको छ ।

जिल्लामा हालसम्म ४ हजार ४५२ जनाको एन्टीजेन र १ हजार ५४९ जनाको पिसिआर परीक्षण गर्दा १ हजार ३७० जनालाई संक्रमण पूष्टि भएको थियो भने जिल्लाभर २४ जना श्वास्थ्यकर्मीहरु समेत संक्रमित भएकाछन् ।