नहरमा डुबेर चितवनमा दुईको ज्यान गयो ।

देश पोष्ट/ काठमाण्डैं । चितवनको भरतपुर महानगरपालिका–२ क्षेत्रपुरका २ जनाको नहरमा डुबेर ज्यान गएको छ ।

मृत्यु हुनेहरुमा १६ वर्षीय अङ्कित जोशी र १४ वर्षीय विवेक शर्मा रहेको जिल्ला प्रहरी कार्यालय चितवनले जनाएको छ ।

प्रहरीका अनुसार बुधबार करिब ४ बजेको समयमा क्षेत्रपुरको खुल्ला चौरमा क्रिकेट खेलेर नजिकै रहेको नहरमा हातखुट्टा धुने क्रममा विवेक चिप्लिएर नहरमा खसेका थिए । नहरमा खसेका साथीलाई बचाउन जाने क्रममा अङ्कित पनि बेपत्ता भएका हुन् ।

प्रहरीले नहरमा बेपत्ता भएको खबर पाएसँगै खोजी गर्दा २०० मिटर पर नहरबाट उद्धार गरी उपचारका लागि भरतपुर अस्पतालमा लगिएपनि उनीहरुको साँझ मृत्यु भएको प्रहरीले जनाएको छ ।