तिहारमा घर जाने यात्रुलाई कोरोनाविरुद्धको खोप लगाइदै

देश पोष्ट  / खोटाङ । तिहार मनाउन घर जाने यात्रुलाई कोरोनाविरूद्धको खोप लगाइने निर्णय भएको छ ।

स्वास्थ्य तथा जनसंख्या मन्त्रालयका अनुसारका तिहार मनाउन काठमाडौं बाहिर जाने यात्रुलाई कोटेश्वर, गोंगबु, बल्खु र कलंकी चोकमा कोरोनाविरुद्धको खोप दिन लागिएको हो। यी चार स्थानमा आज बिहानदेखि नै खोप कार्यक्रम सुरु गरिएको छ ।

आज र भोलि दुई दिन सञ्चालन हुने कार्यक्रममा बिहान ७ बजेदेखि बेलुका ४ बजेसम्म खोप लगाइने छ । खोप कार्यक्रममा आफ्नो उमेर खुल्ने परिचयपत्र देखाएर खोप लगाउन सकिनेछ । भेरोसिल र एस्ट्राजेनेका खोप निःशुल्क लगाइने मन्त्रालयले जनाएको छ ।