खोटाङमा एमाले महाधिवेशन प्रतिनिधि छनोट

देश पोष्ट /  खोटाङ । नेकपा एमाले खोटाङले १० औँ राष्ट्रिय महाधिवेशनको लागि १४ जना महाधिवेशन प्रतिनिधि सर्वसहमत छनोट गरेको छ । शनिबार एमाले खोटाङले विज्ञप्ति सार्वजनिक गर्दै सर्वसम्मत छानिएका महाधिवेशन प्रतिनिधिको नामावली सार्वजनिक गरेको छ ।

एमाले खोटाङका अध्यक्ष रामप्रसाद दंगालले दिनुभएको जानकारी अनुसार ८ हजार ६ सय ६४ जना सङ्गठित सदस्य रहेको एमाले खोटाङले आगमी मङ्सिर १० देखि १२ गतेसम्म चितवनमा हुने राष्ट्रिय महाधिवेशनका लागि एक दलितसहित १४ प्रतिनिधि सर्वसम्मत रुपमा छनोट गरेको छ ।
छनोट हुनेमा पार्टी अध्यक्ष रामप्रसाद दंगाल, उपाध्यक्ष देवविक्रम राई, सचिव कुमारप्रसाद आचार्य, सचिवालय सदस्य चर्चबहादुर विश्वकर्मा, दिपनारायण रिजाल, दिलचक्र राई, विणादेवी राई, सदस्य गोमा मगर र पुष्पकला भुजेल, प्रदेश कमिटी सदस्य हरिकुमार पोखरेल, पाँचकणर् (पीके) राई, उषाकला राई, खडेन्द्र साङपाङ ईन्द्रप्रसाद दंगाल रहनुभएको छ ।

प्रतिनिधि छनोट गर्दा भुगोल र जातका आधारमा १४ जना प्रतिनिधीमध्ये ४ जना महिला र १ जना दलितबाट छनोट गरिएको छ । १० स्थानीय तह रहेको जिल्लामा २ नगरपालिका र ८ गाउँपालिकाभित्रका १४ जनालाई महाधिवेशन प्रतिनिधि छनोट गरिएको एमाले खोटाङका अध्यक्ष रामप्रसाद दंगालले बताउनुभयो ।

केन्द्रीय कमिटीबाट मनोनित हुनका लागि सुरेन्द्रकुमार राई र दिलकुमारी राईलाई सिफारिस गरिएको एमाले खोटाङले जनाएको छ । जिल्ला ईन्चार्ज तथा पार्टीका केन्द्रीय सदस्य एवम् प्रमुख सचेतक विशाल भट्टराई, जनसाँस्कृतिक महासङ्घका केन्द्रीय अध्यक्ष खगेन्द्र राई, केन्द्रीय अनुशासन आयोगका सदस्य कणर्बहादुर घले र नेपाल खेलकुद महासङ्घका अध्यक्ष रमेशकुमार पौडेल स्वतः महाधिवेशन प्रतिनिधिमा छनोट हुनुभएको छ ।