स्रोत नखुलेको साढे ६९ लाखसहित एक पक्राउ

देश पोष्ट /खोटाङ । काठमाडौंमा स्रोत नखुलेको रकमसहित दरबारमार्गस्थित बिइङ ह्युमनको कपडा पसलबाट एक जनालाई प्रहरीले पक्राउ गरेको छ।

प्रहरीले उक्त पसलका म्यानेजर हिरोसी खनाललाई नियन्त्रणमा लिएको हो ।

दरबारमार्ग क्षेत्रमा स्रोत नखुलेको रकम लुकाएर राखेको भन्ने गोप्य सूचनाको आधारमा गत शुक्रबार खटिएको प्रहरीको टोलीले पक्राउ गरेको हो ।

टोली बिइङ ह्युमनको कपडा पसलमा पुगेर चेकजाँच गर्दा त्यहाँ ६९ लाख ५० हजार नगद फेला पारेको थियो। म्यानेजर खनालले स्रोत खुलाउन नसकेपछि प्रहरीले उनलाई नियन्त्रणमा लिएको हो।

उनीमाथि थप अनुसन्धान तथा कारवाहीको लागी सम्पत्ति शुद्धिकरण अनुसन्धान विभाग, पुल्चोक ललितपुर पठाएको छ।