एम्बुलेन्सले ठक्कर दिँदा पैदल यात्रुको मृत्यु

देश पोष्ट /खोटाङ । चितवनमा एम्बुलेन्सले ठक्कर दिँदा एक पैदल यात्रुको मृत्यु भएको छ ।

भरतपुर महानगरपालिका–१५ मा आइतबार बेलुका पौने ७ बजे से १ च ५८८ नम्बरको एम्बुलेन्सले ठक्कर दिँदा अन्दाजी ३०/ ३५ वर्षका पुरुषको ज्यान गएको हो । ज्यान गुमाउने व्यक्तिको परिचय नखुलेको प्रहरीले जनाएको छ ।

घाइते भएका उनको भरतपुरको कलेज अफ मेडिकल साइन्स अस्पतालमा उपचारका क्रममा गएराति साढे ८ बजे मृत्यु भएको हो ।

एम्बुलेन्सका चालकलाई पक्राउ गरी अनुसन्धान गरिरहेको प्रहरीले बताएको छ ।