सहकारीबाट १५ लाख रुपैयाँ असुलेको आरोपमा पत्रकार पक्राउ

देश पोष्ट खोटाङ । काठमाडौंको न्युरोडमा रहेको एक सहकारीबाट १५ लाख रुपैयाँ असुलेको आरोपमा एक महिला पत्रकार पक्राउ परेकी छन्।

सोलुखुम्बु घर भई काठमाडौं बस्दै आएकी पत्रकार एन्जिना कार्की पक्राउ परेकी छिन् ।

कार्कीलाई ५ दिनअघि पक्राउ गरिएको महानगरी प्रहरी वृत जनसेवाका डिएसपी डिलबहादुर मल्लले जानकारी दिए।। उनी भारतीय टिभी च्यानल जी न्युजकी पूर्वकर्मचारीसमेत हुन्।

भिभिआइपी, भिआइपी, चर्चित कलाकार र पत्रकारसँग आफ्नो राम्रो चिनजान भएको र रकम नदिए सबैतिर समाचार प्रकाशित गरिदिने धम्की उनले दिने गरेको प्रहरीले बताएको छ।

उनले अहिलेसम्म पटक/पटक गरेर १५ लाख रुपैयाँ न्युरोडस्थित एक सहकारीबाट लिएको खुल्न आएको डिएसपी मल्लले बताए।

उनीमाथि ठगी मुद्दा चलाइएको प्रहरीले जनाएको छ।