सवारी दुर्घटनामा परि एकै परिवारका तीन जनाको मृत्यु

देश पोष्ट/ खोटाङ । सप्तरीमा सवारी दुर्घटनामा एकै परिवारका तीन जनाको मृत्यु भएको छ ।

बिहीबार दिउँसो सिरहाको लहान ३ स्थित लहान–ठाडी सडक खण्डमा उत्तरबाट दक्षिणतर्फ जाँदै गरेको स.१क २६२ नम्बरको टिपरले प्रदेश २–०१–००२प २६८२ नम्बरको मोटरसाइकललाई ठक्कर दिँदा तीन जनाको मृत्यु भएको छ । साथै १ जना बच्चा घाइते भएका छन्।

मृत्यु हुनेमा ६५ वर्षीय मोतीलाल यादव, उनका भतिजा ३० वर्षीय रामकुमार यादव र ७ वर्षीय नाती अभिषेक यादव रहेको प्रहरीले जनाएको छ ।

मृतकको तीनै जनाको शव पोष्टमार्टमका लागि लहानमै राखिएको र एकै पटक तीनजनाको संस्कार गरिने स्थानीयले बताएका छन्।