नेकपा ( एमाले )का नवनिर्वाचित पदाधिकारीले गरे पदभार ग्रहण,

देश पोष्ट/ खोटाङ । नेकपा एमाले खोटाङको ७ औं जिल्ला अधिबेशनवाट नवनिर्वाचित पदाधिकारीहरुले पदभार ग्रहण गरेका छन् ।

निर्वाचित भएको सात दिन पछि अधिबेसनबाट निर्वाचित एमाले अध्यक्ष रामप्रसाद दंगाल, सचिव कुमारप्रसाद आचार्य, उपसचिव दिपनारायण रिजाल र सुरेन्द्रकुमार राईले पदभार ग्रहण गर्नुभएको हो ।

अन्य पदाधिकारीहरु भने कार्यव्यस्तताका कारण पदभार ग्रहण कार्यक्रममा उपस्थित हुन नसकेको एमालेले जनाएको छ ।

एमालेका नवनिर्वाचित पदाधिकारीलाई एमाले केन्द्रीय सदस्य एबं जिल्ला सह–ईन्चार्ज, प्रदेश न १की पूर्व सामाजिक विकाश मन्त्री उषाकला राईले पदभार ग्रहण गराउनुभएको थियो ।