लेक लागेर पुरुषको मृत्यु

देश पोष्ट/ खोटाङ । पाँचथरमा लेक लागेर एक पुरुषको मृत्यु भएको छ ।

फालेलुङ गाउँपालिका– ५ को टुनीबोटेका ३१ वर्षीय विशाल मगरका चौंरी गोठ जाँदा मृत्यु भएको प्रहरीले जनाएको छ ।

बुधबार राति साढे १२ बजेतिर विशालसहित उनका भाइ विक्रम चौंरी गोठ गएका थिए र हिउँ परेपछि घर फर्किने क्रममा धुपीडाँडा भन्ने क्षेत्रमा आइपुग्दा विशाललाई लेक लागेपछि हातखुट्टा नचलेको र बिहीबार बिहान ३ बजेतिर मृत अवस्थामा फेला परेको हो ।

घटनास्थललाई प्राङ्बुङ प्रहरीले सुरक्षित गरेको छ । थप अनुसन्धान भइरहेको प्रहरीले जनाएको छ ।