सुनचाँदीको मूल्य वृद्धि

देश पोष्ट/ खोटाङ । नेपाली बजारमा आज सुनचाँदीको मूल्य बढेको छ । सुनको मूल्य आज प्रतितोलामा २ हजार ५०० रुपैयाँको दरले बढेको छ ।

नेपाल सुनचाँदी व्यवसायी महासङ्घका अनुसार आज छापावाल सुनको मूल्य तोलाको ९९ हजार रुपैयाँ कायम भएको छ । बुधवार छापावाल सुन तोलाको ९६ हजार ५ सय रुपैयाँमा कारोबार भएको थियो ।

यसैगरी आज तेजाबी सुनको मूल्य तोलाको ९८ हजार ५०० रुपैयाँ कायम भएको छ ।

चाँदीको मूल्य पनि तोलामा ३५ रुपैयाँको दरले बढेर चाँदी बिहीबार १ हजार ३५५ रुपैयाँमा कायम भएको छ । बुधवार १ हजार ३२० रुपैयाँमा कारोबार भएको थियो ।