सुनचाँदीको मूल्य वृद्धि

देश पोष्ट /खोटाङ । नेपाली बजारमा आज सुनचाँदीको मूल्य वृद्धि भएको छ ।

बुधवार प्रतितोलामा १९०० रुपैयाँको दरले बढेर एक लाख रुपैयाँ नजिक पुगेको छ ।

नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोलामा १९०० रुपैयाँको दरले बढेर ९९ हजार ५०० रुपैयाँ कायम भएको छ ।
मङ्गलवार छापावाल सुन तोलाको ९७ हजार ६०० रुपैयाँमा कारोबार भएको थियो ।

मङ्गलवार तेजाबी सुनको मूल्य तोलाको ९७ हजार १०० रुपैयाँ रहेकोमा आज ९९ हजार रुपैयाँ कायम भएको छ ।

त्यसैगरी, चाँदीको मूल्य पनि तोलामा ४० रुपैयाँको दरले बढेको छ । मङ्गलवार एक हजार ३३५ रुपैयाँमा कारोबार भएको चाँदी बुधवार एक हजार ३ सय ७५ रुपैयाँ कायम भएको छ ।