स्रोत नखुलेको १२ लाख ५० हजारसहित भारतीय नागरिक पक्राउ

देश पोष्ट /खोटाङ । रूपन्देहीबाट स्रोत नखुलेको १२ लाख ५० हजार नेपाली रुपैयाँसहित भारतीय नागरिकलाई पक्राउ गरेको छ।

आइतबार दिउँसो साढे २ बजेतिर रूपन्देहीको सिद्धार्थनगर नगरपालिका वडा नं. १ वाइपास रोडबाट उक्त रकमसहित भारत उत्तर प्रदेश जिल्ला महाराजगञ्ज जुगौली बस्ने ४६ वर्षीय आशिष साहुलाई पक्राउ गरिएको प्रहरीले जनाएको छ ।

लु ६ प ७१२९ नं. को मोटरसाइकलमा सवार साहुलाई शंका मानी चेक गर्दा उनको साथबाट स्रोत नखुलेको  कुल १२ लाख ५० हजार रुपैयाँ बरामद गरिएको प्रहरीले जनाएको छ।

साहुलाई आवश्यक कारबाहीको लागि भन्सार कार्यालय बेलहिया पठाइएको बताइएको छ ।