घाँस काट्ने क्रममा लडेर एक वृद्धको मृत्यु

देश पोष्ट /खोटाङ । स्याङ्जामा घाँस काट्ने क्रममा लडेर एक वृद्धको मृत्यु भएको छ।

शनिबार बिहान पौने ११ बजे आँधिखोला गाउँपालिका-२ रंगेठाटीमा लडेर अन्दाजी ६१ वर्षीय देवनारायण सार्कीको मृत्यु भएको प्रहरीले जनाएको छ ।

उनी घरदेखि अन्दाजी दुई किलोमिटर टाढा रहेको पाखोबारीमा घाँस काट्दै गर्दा अचानक ८० मिटर तल भीरमा खसेका थिए।

खसेर उनको घटनास्थलमा नै मृत्यु भएको प्रहरीले जनाएको छ।

यस घटनाको थप अनुसन्धान भइरहेको छ।