अनलाइन बिंगो खेलेको आरोपमा १५ जना पक्राउ

देश पोष्ट /खोटाङ । अनलाइन बिंगो (जुवा) खेलेको आरोपमा प्रहरीले बौद्धबाट १५ जनालाई पक्राउ गरेको छ ।

गोकर्णेश्वर नगरपालिका–५ स्थित लामा पम्प नजिकै सिन्धुपाल्चोक घर भएका २६ वर्षीय निमा शेर्पाले टिनको टहरामा संचालन गरेको खाजा घरमा छापा मारेर आरोपीहरुलाई पक्राउ गरिएको जिल्ला प्रहरी परिसर काठमाडौंले जनाएको छ ।

बिंगो खालबाट १ लाख ६० हजार नगद बरामद गरिएको छ । अनलाइन एप्स मार्फत बिंगोको टिकट बाँडेर हारजित हुनेगरी बिंगो  खेलाउने गरिन्छ ।

बिंगो खेल्नेहरुमाथी प्रहरी वृत बौद्धले जुवा मुद्दामा अनुसन्धान गरिरहेको छ ।