बालिकालाई यौन दुर्व्यवहार गरेको आरोपमा भोजपुरमा एकजना पक्राउ

देश पोष्ट खोटाङ ।भोजपुरमा   चार बालिकालाई यौन दुर्व्यवहार गरेको आरोपमा एकजना पक्राउ परेका छन् ।

पक्राउ पर्नेमा हतुवागढी गाउँपालिका–३ सिद्राङ बस्ने ३७ वर्षीय पुर्णकुमार राई रहेको प्रहरीले जनाएको छ ।

उनीमाथि १३ वर्षीया दुई जना र १५ वर्षीया दुई जना बालिकालाई यौन दुर्व्यवहार गरेको आरोप छ ।

राईले विभिन्न मिति, समय र स्थानमा ती बालिकाहरुलाई यौन दुर्व्यवहार गरेको उजुरीको आधारमा जिल्ला प्रहरी कार्यालय भोजपुरबाट खटिएको प्रहरीले उनलाई पक्राउ गरेको हो ।

घटना बारे थप अनुसन्धान भइरहेको प्रहरीले जनाएको छ ।