खैरो हेरोइन सहित ४ जना पक्राउ

देश पोष्ट /खोटाङ । रुपन्देहीको सैनामैना नगरपालिका–१० बाट प्रहरीले खैरो हेरोइन सहित ४ जनालाई पक्राउ गरेको छ ।

पक्राउ पर्नेमा सैनामैना घर भएका २३ वर्षीय नवीन सेन, २४ वर्षका नारायण शाही, ३१ वर्षीय प्रतिप गौतम र २८ वर्षीय सन्दीप गौतम छन् ।

कपिलवस्तुबाट खैरो हेरोइन लिएर आउँदै गरेका नवीन र नारायणको साथबाट प्रहरीले २ सय मिलिग्राम खैरो हेरोइन बरामद गरेको छ ।
प्रतिप र सन्दीपको साथबाट ८ सय मिलिग्राम खैरो हेरोइन बरामद गरिएको बताइएको छ ।

यस घटना बारे थप अनुसन्धान भईरहेको जिल्ला प्रहरी कार्यालय रुपन्देहीले जनाएको छ ।