मुख्य सचीव बैरागीको आडमा सहसचिवको मनोमानी

देश पोष्ट/ काठमाण्डौं । मुख्य सचीव शंकरदास बैरागीको नाममा शहरी बिकास मन्त्रालयको कर्मचारी महाशाखा प्रमुख समेत रहेका प्रदिप परियारले मनोमानी गर्न थालेपछि मन्त्रालयका अधिकाश कर्मचारी रुष्ट बनेका छन ।

सहसचिव परियारको केही समय अघि मात्र सरुवा भएको थियो तर चाकडी र चाप्लुसी गर्न माहिर परियारले मुख्य सचीव बैरागी लाई म हजुरकै गृहजिल्ला पर्वतकै भएको र आफ्नो सरुवा रोकिदिन हारगुहार गरेपछि बैरागीले उनको सरुवा रोकि दिएका थिए ।

सहसचिव परियारले मन्त्रालयका करारका कर्मचारी लाइ समेत आफू अनुकुल प्रयोग गर्न खोज्नुको साथै सचीव सुरेश आचार्यको बारेमा अनावश्यक सुचना संकलन गर्न लगाउन आफ्नो शाखामा रहेका पिए लाई खटाएका छन ।

सहसचिव परियारले अन्य कर्मचारी लाई सेवासुबिधा रोकेपनी आफ्ना डाइभर किसान श्रेष्ठ लाई कागजमा धेरै पटक धनगढी पठाउदै मोस्ने काम गर्दै आएका छन । बा.२ झ ३७०७ नम्बरको गाडी चडदै आएका परियारले केही दिन अगाडि आफ्नो गाडी बाटोमा बिग्रेको भन्दै कर्मचारी लाई पदिय हैसियत बिर्सेर आफू भन्दा सिनियर सहसचिव लाई समेत अपशब्द प्रयोग गरेका थिए ।

आफू चडने गाडीको ख्याल आफै गर्नुपर्ने हो तर उनले ती सबै कुरा बिर्सेर मन्त्रालयमा आफू शक्तिशाली भएको देखाउन थालेका छन ।जुन कुरा धेरै कर्मचारीहरु लाई मन परेको छैन । यसरी पटकपटक विवादमा आएपछि मुख्य सचीव बैरागी पनि परियारको सरुवा रोकेर गल्ती गरेको निष्कर्षमा पुगेका छन । त्यसैले अब निजलाइ शहरी बिकास मन्त्रालयमा बाट सरुवा गर्दा कसैको साथ सहयोग नहुने प्रष्ट भएको छ ।

निवर्तमान शहरी बिकास मन्त्री बिक्रम पाण्डे लाई पनि ललाइ फकाइ गर्दै आफ्नो स्वार्थ पुर्ती गर्न सफल भएका परियार लाई अब भने समस्या पर्ने भएको छ ।

पुर्व शहरी बिकास मन्त्री मेटपणी चौधरीको पालामा सरुवा भएर आएका सहसचिव परियारले मन्त्री चौधरी लाई रिझाउन विशेष भवन निर्माण आयोजना समन्वय कार्यालय बाट भाडा तिर्नेगरी बा.१५.च ७४६२ निजि प्लेटको स्कर्पियो गाडी निजि नम्बर प्लेट राखेर चलाउन दिएका छन जुन गैह्रकानुनी हो । समाचार श्राेत रहस्य साप्तािहक एबं कर्मचारीहरू संग गरिएकाे कुराकानी ।