डडेल्धुरामा बँदेलको आक्रमणबाट एक जनाको मृत्यु

देश पोष्ट/ खोटाङ । डडेल्धुरामा बँदेलको आक्रमणबाट एक जनाको मृत्यु भएको  छ ।

आइतबार बिहान बँदेलको आक्रमणबाट अमरगढी नगरपालिका–३ डोटी घटाल, गुजरलेकका ५२ वर्षीय गणेश पल्लेको मृत्यु भएको  हो ।

पल्ले बिहान खेतमा गोरु डोर्‍याउन गएको बेला बँदेलको आक्रमणबाट परेका थिए । स्थानीयका अनुसार उनको घटनास्थलमै मृत्यु भएको हो ।

मृतक पल्लेको शव पोष्टमार्टमका लागि डडेल्धुरा अस्पतालमा राखिएको छ ।