बसको ठक्करबाट मोटरसाइकलमा सवार एक जनाको मृत्यु

देश पोष्ट  /खोटाङ । कास्कीमा बसको ठक्करबाट मोटरसाइकलमा सवार एक जनाको मृत्यु  भएको छ । कास्कीबाट लमजुङ जाँदै गरेको ग १ ख ७६८६ नम्बरको बसले विपरीत दिशाबाट आउँदै गरेको ग १५ प ८४८३ नम्बरको मोटरसाइकललाई रूपा गाउँपालिका–३ पोल्याङमा बिहान ७ः४८ ठक्कर दिएको हो ।

दुर्घटनामा परी मोटरसाइकलमा सवार लमजुङको मध्यनेपाल गाउँपालिका–६, भोर्लेटारका २३ विवेक विक र २० वर्षीय दीपेन्द्र विक गम्भीर घाइते भएका थिए ।  प्रहरीका अनुसार  २३ वर्षीय विवेकको उपचारका क्रममा पोखरा स्वास्थ्य विज्ञान प्रतिष्ठानमा मृत्यु भएको छ । उनका भाइ दीपेन्द्रको पनि अवस्था गम्भीर रहेको बताइएको छ ।

बसका चालक रूपा गाउँपालिकाकै विशाल गुरूङलाई नियन्त्रणमा लिइएको प्रहरीले जनाएको छ ।