धनकी देवी लक्ष्मीको दर्शन गरी तपाईको राशिफल हेर्नुहोस् ।

देश पोष्ट /काठमाण्डौं । आज मिति २०८० भदौ ८ गते, शुक्रवार, २५ अगस्ट २०२३ धनकी देवी लक्ष्मीको दर्शन गरी तपाईको राशिफल हेर्नुहोस् ।

मेष
चु, चे, चो, ला, लि, लु, ले, लो, अ
शरीरमा पनि कमजोरी महसुस हुनेछ । अरूका विषयमा चासो लिँदा आफ्नो काम बिग्रन सक्छ । कमजोर नतिजा सच्याउन काम दोहोर्याउनुपर्ला । समय लागे पनि केही काम बनाउन सकिनेछ । शुभचिन्तकहरूको सहयोगले आंशिक लाभ मिल्नेछ ।

वृष
इ, उ, ए, ओ, बा, बि, बु, बे, बो
जुझारु कार्यशैलीले लक्ष्यमा पुर्याउनेछ । छोटो समयमा फाइदा दिलाउनेछ । परिवारजनको साथले उत्साह जगाउनेछ । अतिथिको रूपमा सत्कार प्राप्त हुनेछ । मनग्य आम्दानी हुनेछ र सुविधाका वस्तु प्राप्त हुनेछन् ।

मिथुन
का, कि, कु, घ, ङ, छ, के, को, ह
कामको चाप बढ्ने समय छ । केही दौडधुप गर्नु परे पनि फाइदा हुनेछ । भौतिक साधन जुट्नाले दिन उत्साहजनक रहनेछ । दिगो काम प्रारम्भ हुन सक्छ । पुरुषार्थी कामले प्रतिष्ठा जोगाउन सफल भइनेछ । विदेश ताक्नेहरूलाई यात्राको प्रक्रिया अघि बढ्नेछ ।

कर्कट
हि, हु, हे, हो, डा, डि, डु, डे, डो
बौद्धिक प्रतिस्पर्धामा विजयी भइनेछ। फाइदाको स्रोत पहिल्याउन सकिनेछ । सेवामूलक कामबाट धनलाभ हुनेछ । स्वास्थ्य सबल रहनेछ । अध्ययनमा प्रगति हुनुका साथै ज्ञानलाई निखार्ने अवसर प्राप्त हुनेछ । समय लागे पनि तारिफयोग्य कामले अरूको उपकार गर्न सकिनेछ ।

सिंह
मा, मि, मु, मे, मो, टा, टि, टु, टे
आश्वासन दिने बानीले दुःख पाइनेछ । तत्काल योजना सार्वजनिक नगर्नुहोला । साझेदारीमा समस्या आउनाले पहिलेको सम्झौता भंग हुन सक्छ । अरूको व्यवहारले शंका उब्जाए पनि परिवारजनको साथ–सहयोग प्राप्त हुनेछ । पछि लाभ हुने काम गर्न सकिनेछ ।

कन्या
टो, प, पि, पु, ष, ण, ठ, पे, पो
कृषिकर्म र व्यावसायिक काममा मनग्य लाभ हुनेछ । उद्योग र व्यापारमा विशेष फाइदाको योग छ । रोकिएका काम बन्ने र नयाँ काम सुरु गर्ने समय छ । शत्रुहरू परास्त हुनेछन् र प्रतिस्पर्धीलाई पछि पार्न सकिनेछ । आम्दानी बढ्नेछ। विगतका कर्मको उचित प्रतिफल पाइनेछ ।

तुला
र, रि, रु, रे, रो, ता, ति, तु, ते
प्रशंसकहरू बढ्नेछन् । सहयोगीहरूले साथ दिनेछन् भने रोकिएका काम पनि सम्पादन हुनेछन् । बुद्धिको उपयोगले अरूलाई आफ्नो पक्षमा लिन सकिनेछ । प्रतिष्ठित काम गर्ने अवसर प्राप्त हुनेछ । अरूको भरपर्दा प्रभावकारी काम नहुन सक्छ । विशेष योजना सार्वजनिक नगर्नुहोला ।

वृश्चिक
तो, ना, नि, नु, ने, नो, या, यि, यु
रोकिएका काम सम्पादन हुने र नयाँ काम पाइने योग छ । तारिफयोग्य काम सम्पादन हुनाले प्रशंसकहरू बढ्नेछन् । विशिष्ट व्यक्तिहरूसँग भेटघाट हुनेछ । पहिलेको सफलताले पनि थप काम गर्न हौसला प्रदान गर्नेछ । रमाइलो जमघटका बीच आनन्द प्राप्त हुनेछ ।

धनु
ये, यो, भ, भि, भु, ध, फा, ढ, भे
चुनौती निम्त्याउन सक्छ । व्यवसायमा लगानी बढाउनुपर्ने परिस्थिति आउला । अवसरका लागि कडा परिश्रम गर्नुपर्ला । देश–विदेशको यात्रा गर्ने प्रक्रिया अघि बढ्नेछ । छर–छिमेकमा केही असमझदारी देखिएला । टाढाका साथीभाइसँग सम्पर्क बढ्नेछ । आफ्नाबाट भने टाढिनुपर्नेछ ।

मकर
भो, ज, जि, खि, खु, खे, खो, गा, गि
व्यापारमा राम्रै फड्को मार्न सकिनेछ । विभिन्न स्रोत–साधन जुट्नेछन् । सञ्चित धन उपयोग गर्दा पनि फाइदै हुनेछ । मनग्गे रकम हातलागी हुनेछ तर दायित्व पनि बढ्न सक्छ । सरसापटमा केही धन बाहिरिने देखिन्छ । श्रमको उचित मूल्यांकन भए पनि प्रतिफल हातलागी हुन समय लाग्नेछ ।

कुम्भ
गु, गे, गो, सा, सि, सु, से, सो, द
पुरुषार्थी काम सम्पन्न गर्ने समय छ । प्रतिष्ठित व्यक्तिहरूसँग सहकार्य गर्ने अवसर प्राप्त हुनेछ । कामले नाम, दाम र इनाम दिलाउन सक्छ । सामाजिक क्षेत्रमा नेतृत्व हातलागी हुनेछ । व्यापारमा पनि राम्रै फाइदा हुनेछ । लगनशीलताले कीर्तिमानी दिलाउन सक्छ ।

मीन
दि, दु, थ, झ, ञ, दे, दो, च, चि
नयाँ जिम्मेवारी प्राप्त हुनेछ । व्यापार–व्यवसायमा पनि प्रशस्त फाइदा हुनेछ । विशेष अवसरले मन प्रफुल्लित हुनेछ । टाढिएका साथीभाइ नजिकिनाले हर्ष बढ्नेछ । भाग्यले विशेष अवसर दिलाउनेछ । समस्या र चुनौती समाप्त हुनेछन् । नाम र दाम हातलागी हुनेछ ।