खोटाङका दुई बसपार्क उपयोग विहिन, आचार्य गाउँ बर्स पार्क सरोकार संस्थाले बुझाए ज्ञापन पत्र

देश पोष्ट /खोटाङ ।जिल्लाको दुई वटा बसपार्क उपयोग विहिन बनेपछि आचार्य गाउँ बर्स पार्क सरोकार संस्थाले आईतबार जिल्ला प्रशासन कार्यालय खोटाङका प्रमुख जिल्ला अधिकारी सन्तबहादुर सुनवार तथा दिक्तेल रुपाकोट मझुवागढी नगरपालिका उप प्रमुख बिसन राईलाई ज्ञापनपत्र बुझाएका छन् । उपयोबिहिन बसपार्कलाई चाडो भन्दा चाडो सञ्चालनमा ल्याउन माग गर्दै स्थानीय बासीले ज्ञापन पत्र बुझाएका छन् ।

आज भन्दा दश बर्ष पहिला सर्वदलीय तथा सरोकारवाला सरकारी कार्यालय सर्वसाधारण सहित बृहत छलफल गरी आचार्य गाउँमा पार्किङ गर्ने स्थान तोकिएको थियो ।गरिव जनतालताले आफनो खेती योग्य जमिन नगरपालिकालाई निःशुल्क प्रदान गरि सोही अनुसार नेपाल सरकारको दुई करोड ३३ लाख लगानीमा बसपार्क निमार्ण गरिएता पनि बसपार्क सदुपयोग नभएको स्थानीय बासी बताउँछन् ।

जिल्लाका दिक्तेलमा निर्माण गरिएका दुई वटा बसपार्क उपयोग विहिन बनेका छन् । दिक्तेल रुपाकोट मझुवागढी नगरपालिका–१ दिक्तेलको आचार्यगाउँ र दिक्तेल रुपाकोट मझुवागढी नगरपालिका–२ सोल्मामा बनाइएका बसपार्क उपयोग विहिन बनेका हुन् ।

आचार्य गाउँमा बसपार्क निमार्णका लागि सात स्थानीयले १५ रोपनि जग्गा दिएका थिए । बनेको बर्षदिनपछि १२ पुस २०७३ देखि आर्चाय गाउँको बसपार्क सञ्चालनमा ल्याएको थियो ।
बसपार्कमा पार्किङ गरिएको अवस्थामा हुनुपर्ने बस हिजो आज दिक्तेलको रत्नपार्कस्थित किरातचोक आसपासमा सडकको कुनामा पार्किङ गर्ने गरिएको छ । बसपार्कमा नियमित सुरु देखि बस नपुगेको स्थानीय बासीले बताउँछन् । स्थानीय सरकार ले पनि चासो नदिएको चुनावी ऐजेन्डा बनाए पनी स्थानीय तहका जनप्रतिनिधीले अहिले बेवास्ता गरेको आचार्य गाउँ बसपार्क सरोकार संस्था अध्यक्ष शिव प्रसाद आचार्य बताउँछन् ।

खोटाङका दुई वटा बसपार्कमा बस नगएको स्थानीय बताउँछन् बपार्कमा बस नआउने निमार्ण गरिएको दस बर्ष पुरा हुँदा सम्म पार्किङ स्थलमा बस नजाने बस पुग्न छाडे पछि चौरीमा परिणत भएको छ । केटा केटी खेल्ने बस्तु चराउने थलो बनेको छ । बस पार्क निमार्ण गरिएको दस बर्ष बितिसक्दा पनि पार्किङ स्थलमा बस नआएको स्थानीय बासी टंक प्रसाद आचार्य बताउँछन् ।

बसपार्क स्थलमा आवश्यक संरचना भौतिक संरचना अपाएक ठाउँमा भएको पार्किङ स्थलमा खाना बस्ने व्यवस्था सुविधा नभएको कारण बस पार्किङ स्थलमा बस लानु नसकेको चालक भनाईरहेको छ ।

बसपार्कसम्म पुग्ने सडक र बसपार्कमा आवश्यक संरचनाको कारण देखाउदै व्यवसायीहरुले लान आलटाल गर्ने गरेको छन् । अस्पताल चोक हुँदै आचार्य गाउँ सम्म पुग्ने बाटो पुर्न निमार्ण भएको छैनन् ।

बस नपुग्ने बसपार्कका शौचालय, यात्रु प्रतिक्षालय लगायतका संरचना समेत जिर्ण बन्दै गएको छ ।