पुर्बको साक्षत माता पाथिभराको दर्शन गरी तपाइको राशिफल हेर्नुहोस् ।

देश पोष्ट /काठमाण्डौं । आज मिति २०८० मंसिर २७ गते, बुधवार, १३ डिसेम्बर २०२३ पुर्बको साक्षत माता पाथिभराको दर्शन गरी तपाइको राशिफल हेर्नुहोस् ।

मेष
चु, चे, चो, ला, लि, लु, ले, लो, अ
स्वास्थ्यका लागि व्यायाम तथा आहारविहारमा ध्यान पुर्याउनुहोला । कामको चाप बढ्नेछ भने शरीरमा कमजोरी तथा आलस्य अनुभूति हुनेछ । सामान्य काममा धेरै धन र परिश्रम खर्चनुपर्ला । आफ्नो वस्तुमा अरूले दाबी गर्लान् । पहिले बनिसकेको काम दोहोर्याउनुपर्ने हुन सक्छ ।

वृष
इ, उ, ए, ओ, बा, बि, बु, बे, बो
रमाइलो यात्रा र मनोरञ्जनको आनन्द लिने समय छ । धनलाभ हुनेछ र विभिन्न भौतिक वस्तुहरू जुटाउन सकिनेछ । दिउँसोतिर स्वास्थ्यमा कमजोरी देखापर्न सक्छ । नतिजा कमजोर देखिनाले काम दोहोर्याउनुपर्ला । अर्थहानि हुन सक्छ । स्वास्थ्यका लागि खानपानमा ध्यान पुर्याउनुहोला ।

मिथुन
का, कि, कु, घ, ङ, छ, के, को, ह
प्रतिस्पर्धामा विजयी भइनेछ । पहिले ईर्ष्या गर्नेहरूले नै सहयोग गर्न थाल्नेछन् । रोकिएका काम बन्नाले नयाँ कामतर्फ अग्रसर भइनेछ । दिगो फाइदा हुने काम हातलागी हुनेछ । चुनौती चिर्दै काम बनाउन सकिनेछ । व्यापारलगायत आर्थिक लाभ हुने काममा विशेष फाइदा हुने समय छ ।

कर्कट
हि, हु, हे, हो, डा, डि, डु, डे, डो
काममा रोकावट र मानसम्मानमा आघात पुग्ने समय छ । पठन–पाठनमा त्यति समय दिन नसकिएला । आफ्ना कमजोरीप्रति अरूले आलोचना गर्नसक्छन् । दिउँसोदेखि स्थितिमा सुधार आउनेछ । नयाँ कामतर्फ अग्रसर भइनेछ । आम्दानीका स्रोत पनि बढ्नेछन् । प्रतिष्ठित काम सम्पादन गर्ने मौका पनि दिलाउन सक्छ ।

सिंह
मा, मि, मु, मे, मो, टा, टि, टु, टे
तत्कालको फाइदा हेर्दा पछिलाई समस्या पर्नेछ । अस्वस्थताले कमजोरीको अनुभूति हुनेछ । नयाँ काम प्रारम्भ गर्न केही समय प्रतीक्षा गर्नुहोला । परिस्थितिवश अध्ययनमा समय दिन नसकिएला । नतिजा उत्साहप्रद नहुन सक्छ । परिस्थितिअनुसार चल्न नसक्ता दुःख पाइनेछ ।

कन्या
टो, प, पि, पु, ष, ण, ठ, पे, पो
फाइदाका लागि परिस्थितिसँग सम्झौता गर्नुपर्ने हुन सक्छ । बुद्धि लगाउँदा लक्ष्य पहिल्याउन सकिनेछ । दिउँसोदेखि घरेलु काममा जुट्नुपर्ने आवश्यकता पर्न सक्छ । पहिलेका सहयोगीहरू प्रतिस्पर्धामा उत्रिन सक्छन् । ईर्ष्यालु मन भएकाहरूले सताउनेछन् ।

तुला
र, रि, रु, रे, रो, ता, ति, तु, ते
आफ्ना कमजोरीमाथि टिप्पणी हुने समय भएकाले बोली–व्यवहारमा सजग रहनुपर्ला । समयमा जुट्न नसक्दा काम रोकिन सक्छ । दिउँसोदेखि स्थितिमा सुधार आउनेछ । रोकिएको काम बन्नाले आयस्रोत बढ्नेछन् । अध्ययनमा प्रगति हुनुका साथै अनुभवलाई निखार्ने अवसर प्राप्त हुनेछ ।

वृश्चिक
तो, ना, नि, नु, ने, नो, या, यि, यु
इच्छाशक्ति बढ्नुका साथै कीर्तिमानी कामको यश लिने अवसर प्राप्त हुनेछ । केही समस्या देखिए पनि रचनात्मक कार्य शुभारम्भ गर्न सकिनेछ । पारिवारिक जमघटका बीच स्वादिष्ट भोजनको आनन्द प्राप्त हुनेछ । विभिन्न अवसर प्राप्त हुनुका साथै दैनिकीमा परिवर्तन आउनेछ ।

धनु
ये, यो, भ, भि, भु, ध, फा, ढ, भे
फाइदाका लागि दोहोर्याएर प्रयत्न गर्नुपर्ला । अरूको विश्वासमा पर्दा धोका हुन सक्छ । टाढाका साथीभाइसँग सम्पर्क बढ्नाले यात्रा सम्भावना देखिन्छ । दिउँसोदेखि परिस्थिति अनुकूल बन्नाले महत्त्वाकांक्षी काम गर्न सफल भइनेछ । तारिफयोग्य कामले प्रशंसक बढ्नेछन् ।

मकर
भो, ज, जि, खि, खु, खे, खो, गा, गि
आम्दानीका नयाँ स्रोत फेला पर्नेछन् । स्रोत–साधन जुट्नाले गरिएका कर्मको उचित प्रतिफल प्राप्त हुनेछ । खर्च बढ्नाले अर्थ संग्रहमा बाधा पुग्नेछ । सरसापट र भैपरी आउने कामले रकम बाहिरिन सक्छ । दिउँसोदेखि आर्थिक समस्याले अलि दुःख पाइनेछ ।

कुम्भ
गु, गे, गो, सा, सि, सु, से, सो, द
प्रतिष्ठित काम गर्ने अवसर मिल्नेछ । राम्रो कर्मफल प्राप्त हुनाले मन प्रसन्न रहनेछ । सामाजिक क्षेत्रमा नेतृत्व हातलागी हुने सम्भावना छ । व्यापारमा पनि राम्रै फाइदा हुनेछ । विशिष्ट व्यक्तिको सहयोग जुट्नेछ । अरूलाई प्रभावित पारेर दाम, इनाम र प्रतिष्ठा कमाउने बेला छ ।

मीन
दि, दु, थ, झ, ञ, दे, दो, च, चि
चुनौतीपूर्ण काममा खटिनुपर्ने समय रहेकाले अलि सावधान रहनुपर्ला । जिम्मेवारी पनि बढिरहनेछन् । आफ्ना कमजोरीमाथि टिप्पणी हुन सक्छ । मध्याह्नदेखि स्थितिमा सुधार आउनुका साथै कामको यश लिने सौभाग्य प्राप्त हुनेछ । शुभचिन्तकहरूले साथ दिनेछन् भने भविष्यका लागि कर्मनिश्चय गर्ने समय छ ।