आज: | Mon, 27, Jul, 2026

नेर्पा भुलभुले अन्तरवडास्तरीय खुला पुरुष फुटबल प्रतियोगिता शुरु

km'6an x:tfGt/0f ug'{x'Fb} gu/ k|d'v e§/fO{ vf]6fª, @@ k'; M g]kf{ :kf]6{; Sna g]kf{ vf]6fªn] cfh -cfOtaf/_b]lv z'? u/]sf] …g]kf{ e'ne'n] cGt/j8f:t/Lo v'nf k'?if km'6an k|ltof]lutfÚsf] bf];|f] ;+:s/0f pb3f6g v]ndf /]k|mLnfO{ an x:tfGt/0f ug'{x'Fb} lbQm]n ?kfsf]6 dem'jfu9L gu/kflnsfsf gu/ k|d'v tLy{/fh e§/fO{ . g]kf{sf] ;+;f/L8fF8fl:yt Snasf] cfkmg} v]nd}bfgdf ;~rfng ul/Psf] k|ltof]lutfdf ;fs]nf ufpFkflnsf–! afFem]Rofg8fF8fnfO{ 6«fOa|]s/df ^–% n] x/fpFb} cfof]hs g]kf{ …PÚn] ljhoL ofqf z'? u/]sf] 5 . t:jL/ M s]bf/ du/÷/f;;

२३ पुष २०८०, सोमबार ०७:१७ मा प्रकाशित (2 बर्ष अघि) अनुमानित पढ्ने समय : १ मिनेट

देश पोस्ट

२८६ पटक पढिएको

देश पोष्ट /खोटाङ । जिल्लाको दिक्तेल रुपकोट मझुवागढी नगरपालिका वडा नं. ६ नेर्पामा आइतबार देखि आयोजित ‘नेर्पा भुलभुले अन्तरवडास्तरीय खुला पुरुष फुटबल प्रतियोगिता’को दोस्रो संस्करणमा आयोजक नेर्पा ‘ए’ले विजयी यात्रा शुरु गरेको छ ।

क्लबको आफ्नै खेलमैदानमा सञ्चालन गरिएको प्रतियोगितामा साकेला गाउँपालिका–१ बाँझेच्यानडाँडालाई ट्राइब्रेकरमा ६–५ ले हराउँदै आयोजक नेर्पा ‘ए’ले विजयी यात्रा शुरु गरेको हो ।

निर्धारित समयमा दुवै टिम (टोली)बाट गोल नभएपछि खेल ट्राइब्रेकरमा धकेलिएको थियो । प्रतियोगितामा नेर्पाका गोल रक्षक इन्देश गुरुङ म्यान अफ दि म्याच घोषित हुनुभएको छ । गुरुङले नगद रु एक हजारको साथमा मेडल र प्रमाणपत्र हात पार्नुभएको छ ।

प्रतियोगिताको दोस्रो खेल आज बिहान दश बजेबाट दिक्तेल रुपाकोट मझुवागढी नगरपालिका–७ दोर्पाचिउरीडाँडा र खोटेहाङ गाउँपालिका–६ इन्द्रेणीपोखरीबीच हुने आयोजकले जनाएको छ । पहिलो चरणमा हरेक दिन तीन खेल हुने प्रतियोगिताको तेस्रो खेल दिक्तेल रुपाकोट मझुवागढी नगरपालिका–३ बाम्राङ र सोही नगरपालिकाको वडा नं. ९ निर्मलीडाँडाबीच मध्यान्न १२ : ३० बजे हुने जनाइएको छ ।

जिल्लाका विभिन्न १८ वटा वडाका खेलाडी सहभागी प्रतियोगिताको विजेतालाई नगद रु एक लाख ५० हजारको साथमा ट्रफी, मेडल र प्रमाणपत्र प्रदान गरिने आयोजक नेर्पा स्पोर्टस क्लब नेर्पाका अध्यक्ष शरद राईले जानकारी दिनुभएको छ । प्रतियोगिताका उपविजेता टिमले नगद रु ७५ हजारको साथमा ट्रफी, मेडल र प्रमाणपत्र प्राप्त गर्ने आयोजकले जनाएको छ ।

‘खेलकुद हाम्रो सान, स्थानीय खेलाडी उत्पादन हाम्रो अभियान’ भन्ने नाराका साथ सञ्चालन हुने प्रतियोगिताका सेमीफाइनलिस्ट दुईवटा टिम (टोली)ले नगद रु २५/२५ हजारको साथमा मेडल र प्रमाणपत्र प्राप्त गर्ने जनाइएको छ ।

प्रतियोगिताका विद्यागत पुरस्कार अन्तरगत सर्व उत्कृष्ट खेलाडीले नगद रु पाँच हजार, बेस्ट कोच (उत्कृष्ट प्रशिक्षक)ले नगद रु दुई हजार ५००, सर्वाधिक गोलकर्ताले नगद रु चार हजार, बेस्ट डिफेन्डरले नगद रु दुई हजार ५००, बेस्ट स्ट्राईकरले नगद रु दुई हजार ५००, बेस्ट मिडफिल्डरले नगद रु दुई हजार ५००, उदयमान खेलाडीले नगद रु दुई हजार ५०० र उत्कृष्ट गोल रक्षकले नगद रु दुई हजार ५०० को साथमा ट्रफी, मेडल र प्रमाणपत्र प्राप्त गर्ने क्लबका सचिव वीरेन गुरुङले जानकारी दिनुभएको छ ।

अन्तर्राष्ट्रिय फुटबल महासङ्घ (फिफा)को नियमअनुसार सञ्चालन गरिएको प्रतियोगिता यही पुस–२८ गतेसम्म सञ्चालन हुने आयोजकले जनाएको छ