खोटाङको नेर्पामा रहेको भुलभुले देउधामको दर्शन गरी तपाइको राशिफल हेर्नुहोस् ।

देश पोष्ट /काठमाण्डौं । आज मिति २०८० फागुन २५ गते शुक्रवार ८ मार्च २०२४ खोटाङको नेर्पामा रहेको भुलभुले देउधामको दर्शन गरी तपाइको राशिफल हेर्नुहोस् ।

मेष
चु, चे, चो, ला, लि, लु, ले, लो, अ
रोकिएको काम बन्नेछ । व्यापारमा प्रशस्त फाइदा हुनेछ । विशेष भेटघाट उपलब्धिमूलक रहनेछ । अरूलाई प्रभावित पारेर लाभ उठाउन सकिनेछ । नाम, दाम र प्रतिष्ठा दिलाउनेछ । सामाजिक दायित्व हातलागी हुनेछ । साँझतिर व्यापार बढ्नेछ । उठ्नुपर्ने रकम हातलागी हुनेछ ।

वृष
इ, उ, ए, ओ, बा, बि, बु, बे, बो
सोचेको उपलब्धि प्राप्त नहुन सक्छ । आध्यात्मिक चेतनाले धर्मकर्म र सेवामूलक काममा प्रवृत्त गराउनेछ । जिम्मेवारी प्राप्त भए पनि उपलब्धिका लागि केही समय प्रतीक्षा गर्नुपर्ला । साँझतिर स्थितिमा सुधार आउनेछ । रोकिएका काम बन्नेछन् । पेसा–व्यवसायमा फाइदा हुनेछ ।

मिथुन
का, कि, कु, घ, ङ, छ, के, को, ह
आर्थिक क्रियाकलापमा बाधा पुग्न सक्छ । गोपनीयता बाहिरिनाले लक्ष्यमा पुग्न अप्ठ्यारो पर्नेछ । केही काम बन्नेछन् । तत्काल उपलब्धि प्राप्त नभए पनि सम्भावना खोजी गर्ने समय छ । रोकिएको काममा दोहोर्याएर प्रयत्न गर्नुहोला । पछि फाइदा हुने काम प्रारम्भ गर्न सकिनेछ ।

कर्कट
हि, हु, हे, हो, डा, डि, डु, डे, डो
मनोरञ्जनको आनन्द लिने समय छ । अतिथिका रूपमा सत्कार पाइनेछ । कामको चापबाट फुर्सद पाइनेछ । पेसा–व्यवसायमा मनग्य आम्दानी हुनेछ । विभिन्न भौतिक वस्तुहरू जुटाउन सकिनेछ । साँझदेखि अस्वस्थ शरीर लिएर काममा जुट्नुपर्ला । जटिल काममा पनि सकारात्मक संकेत प्राप्त हुनेछ ।

सिंह
मा, मि, मु, मे, मो, टा, टि, टु, टे
विभिन्न अवसर प्राप्त हुनेछन् । रोकिएको काम सम्पादन हुनेछ । भौतिक साधन जुट्नाले दिगो काम सुरु हुनेछ । परिस्थितिको अनुकूलताले प्रतिष्ठा जोगाउन सफल भइनेछ । शत्रु र रोग परास्त हुनेछन् । साँझतिर प्रियजनसँग भेटघाट हुनेछ । यात्राको प्रक्रिया अघि बढ्नेछ । पुरुषार्थी काम सिद्ध गर्ने समय छ ।

कन्या
टो, प, पि, पु, ष, ण, ठ, पे, पो
काम दोहोर्याउनुपर्ला । स्वास्थ्यका कारण अध्ययनमा जुट्न नसकिएला । अरूका लागि धन र बुद्धि खर्चनुपर्ला । आवश्यकता पहिचान गर्न नसक्दा काममा पछि परिनेछ । साँझदेखि स्थितिमा सुधार आउनाले नयाँ कामतर्फ अग्रसर भइनेछ । आम्दानीका स्रोत बढ्नेछन् ।

तुला
र, रि, रु, रे, रो, ता, ति, तु, ते
तत्कालको फाइदा हेर्दा पछिलाई समस्या पर्नेछ । हडबडीले समस्या निम्त्याउन सक्छ । हल्लाको विश्वास गर्दा धोका पाइनेछ । स्वास्थ्य कमजोर रहनाले अध्ययनमा ध्यान केन्द्रित नहुन सक्छ । आश्वासन दिनेहरूले झुक्याउन सक्छन् । उपलब्धिका लागि केही समय प्रतीक्षा गर्नुहोला ।

वृश्चिक
तो, ना, नि, नु, ने, नो, या, यि, यु
अरूको मन जित्न सकिनेछ । नतिजाले उत्साह जगाउनेछ । व्यावसायमा फड्को मार्न सकिनेछ । प्रतिपक्षीहरू समेत सहयोगी बन्नेछन् । रोकिएका काम बन्नुका साथै नयाँ काम प्रारम्भ हुनेछ । व्यापारमा प्रशस्त फाइदा हुनेछ । साँझतिर कामको मेसो नमिल्दा पछि परिनेछ ।

धनु
ये, यो, भ, भि, भु, ध, फा, ढ, भे
अरूले आलोचना गर्नेछन् । बोलीको गलत अर्थ लाग्न सक्छ । सञ्चित रकम खर्च हुनेछ । शुभचिन्तकहरूको भावना बुझेर अघि बढ्नुहोला । साँझदेखि स्थितिमा सुधार आउनाले नयाँ कामतर्फ अग्रसर भइनेछ । व्यापार बढ्नाले धनलाभ हुनेछ । विभिन्न भौतिक साधन संग्रह गर्ने अवसर प्राप्त हुनेछ ।

मकर
भो, ज, जि, खि, खु, खे, खो, गा, गि
आफन्तसँग भेटघाट हुनेछ । नयाँ कामको प्रस्ताव आउनेछ । सहयोगीहरूको भरपर्दा पछि परिएला । आगन्तुकहरूले अलमल्याउन सक्छन् । अवसर प्राप्त भए पनि भूलवश काममा बाधा होला । प्रतीक्षित नतिजा कमजोर देखिनाले काम दोहोर्याउनुपर्ला । आफ्ना कमजोरीमाथि टिप्पणी हुन सक्छ ।

कुम्भ
गु, गे, गो, सा, सि, सु, से, सो, द
आकस्मिक खर्च बढ्नेछ । आम्दानी कम हुनेछ । व्यवसायमा लगानी बढाउनुपर्ने स्थिति आउन सक्छ । यात्रा खर्चिलो र कष्टकर बन्न सक्छ । समयमा जुट्न नसक्दा आफ्नो काम रोकिन सक्छ । सम्भावना देखिए पनि उपलब्धि हातपार्न धेरै श्रम गर्नुपर्ला । नतिजा कमजोर देखिनाले काम दोहोर्याउनुपर्ला । अवसर र व्यवधानका बीचबाट कर्मयोग अघि बढ्नेछ ।

मीन
दि, दु, थ, झ, ञ, दे, दो, च, चि
सट्टापट्टामा लाभ मिल्नेछ । श्रमको उचित मूल्यांकन हुनेछ । सञ्चित धनको उपयोगले फाइदा हुनेछ । सजिलै लक्ष्यमा पुग्न सकिनेछ । रोकिएको काम बन्नेछ । आफ्नो क्षेत्रमा राम्रै प्रभाव जमाउन सकिनेछ । प्रतिष्ठा कमाउने बेला छ । साँझतिर खर्चको जोहो गर्न कर्जा लिनुपर्ला ।