‘सुरेन्द्रबहादुर बस्नेत पत्रकारिता पुरस्कार’ पत्रकार राईलाई प्रदान

देश पोष्ट /खोटाङ ।  प्रेस काउन्सिल नेपालले  ‘सुरेन्द्रबहादुर बस्नेत पत्रकारिता पुरस्कार २०८०’ खोटाङका पत्रकार दमन राईलाई प्रदान गरेको छ ।

नेपाली पत्रकारिताको माध्यमबाट राष्ट्रलाई ठूलो योगदान पुर्‍याएको  उच्च कदर गर्दै प्रेस काउन्सिलले ५४ औँ वार्षिकोत्सवको अवसरमा शनिबार पत्रकार राईलाई  रु एक लाख दश हजार राशि सहितको  पुरस्कार प्रदान गरको हो ।

करिब दुई दशकदेखि जिल्लामा रहेर पत्रकारितामा क्रियाशील पत्रकार राईलाई राष्ट्रपति रामचन्द्र पौडेलले पुरस्कार हस्तान्तरण गर्नुभएको छ ।
राई  नेपाल पत्रकार महासङ्घ खोटाङका निवर्तमान अध्यक्ष तथा नेपाल वाइड डटकमका समाचार सम्पादकसमेत रहनुभएको छ ।
पत्रकार राईले प्राप्त गर्नुभएको यो पुरस्कार अहिलेसम्मकै सबैभन्दा ठूलो राशिको हो ।