अक

देश पोष्ट /खोटाङ । उदयपुरमा बोलेरो गाडी बुधबार दुर्घटना हुँदा एक जनाको मृत्यु भएको छ । कटारी नगरपालिका–४ अडा कुन्नामा प्रदेश २–०१–००१ च ०२४३ नम्बरको बोलेरो गाडी दुर्घटना हुँदा गाडीमा सवार सोही नगरपालिका–१३ बस्ने १८ वर्षीय विष्णु राउतको मृत्यु भएको छ । दुर्घटनामा गम्भीर घाइते भएका उनको बिपी कोइराला स्वास्थ्य बिज्ञान प्रतिष्ठान धरानमा उपचारको क्रममा मृत्यु भएको हो । दुर्घटनामा घाइते भएका अन्य ८ जनाको सोही अस्पतालमा उपचार भइरहेको छ । गाडी चालकलाई प्रहरीले नियन्त्रणमा लिएर अनुसन्धान गरिरहेको छ ।