बलात्कार

देश पोष्ट/ खोटाङ । भोजपुरमा ११ वर्षीया बालिकालाई बलात्कार गरेको आरोपमा एक जना पक्राउ परेका छन्। बलात्कार गरेको आरोपमा पौवादुङमा गाउँपालिका-२ छोकिमाला बस्ने २१ वर्षीय निरोज राई पक्राउ गरेको प्रहरीले जनाएको छ । उनलाई इलाका प्रहरी  कार्यालय तिवारीभञ्जाङबाट खटिएको टोलीले शनिबार दिउँसो पक्राउ गरेको हो। कात्तिक २२ गते राति बालिकामाथि बलात्कार गरेको उजुरी थियो। सोही उजुरीको आधारमा उनलाई पक्राउ गरिएको प्रहरीले जनाएको छ। यस घटनामा प्रहरीले थप अनुसन्धान गरिरहेको छ।

देश पोष्ट/ खोटाङ । ललितपुरमा बालिकालाई बलात्कार गरेको आरोपमा २८ वर्षीय युवक पक्राउ परेका छन्। काभ्रे पनौती घर भई ललितपुर महानगरपालिका-२७ बस्ने २८ वर्षीय दीपक लामा पक्राउ परेका हुन्। उनलाई प्रहरी वृत चापागाउँबाट खटिएको टोलीले बुधबार दिउँसो पक्राउ गरेको हो। लामाविरूद्ध बालिकामाथि असोज २० देखि २३ गतेसम्म पटकपटक बलात्कार गरेको भन्ने उजुरी परेको थियो। सोही उजुरीको आधारमा उनलाई पक्राउ गरिएको प्रहरीले जनाएको छ ।

देश पोष्ट/ खोटाङ । रौतहटमा एक किशोरीलाई बलात्कार गरेको आरोपमा युवक पक्राउ परेका छन्। बलात्कार गरेको आरोपमा गुजरा नगरपालिका–५ का नासिर इमामलाई प्रहरीले पक्राउ गरेको हो। गजरा नगरपालिका वडा नं–५ कै हरिहरपुर घर भएकी १५ वर्षीय किशोरीलाई इमामले गुजरा नगरपालिका वडा नं–१ मा रहेको इँटाभट्टामा लगेर बलात्कार गरेको भन्दै पीडित परिवारले प्रहरीमा खबर गरेका थिए। प्रहरीले उनलाई शनिबार नै पक्राउ गरेको छ। आइतबार जिल्ला अदालत गौरबाट सात दिनको म्याद थप गरेर अनुसन्धान आघि बढाएको इलाका प्रहरी कार्यालय चन्द्रनिगाहपुरले जनाएको छ।