नेपालका पुर्वी भागमा हल्कादेखि मध्यम वर्षाको सम्भावना

देश पोष्ट /काठमाण्डौ । नेपालका पुर्वी भागमा हल्कादेखि मध्यम वर्षाको सम्भावना रहेको मौषम पुर्वानुमान महाशाखाले जनाएको छ । गएराती झापा, इलाम, सोलुखुम्बु, सङ्खुवासभा, ताप्लेजुङ लगायतका ठाउँमा पानी परेको हो । गएराति अरु ठाउँमा भने खासै पानी परेन । मौसम पूर्वानुमान महाशाखाका अनुसार आज पहाडी भेगका केही ठाउँमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ । बागमती र गण्डकी प्रदेशका पहाडी भू–भागका एक/दुई ठाउँमा ठूलो पानी पर्न सक्ने महाशाखाले जनाएको छ । महाशाखाका अनुसार कोशी प्रदेशको तराई र मधेश प्रदेशका केही ठाउँहरुमा हावाहुरीसमेत चल्न सक्नेछ ।