बस दुर्घटना

देश पोष्ट /काठमाण्डौं । पोखरा महानगरपालिका–२२ स्थित दहरा घुम्तीनजिकै स्तुपाबाट पोखरातर्फ आउँदै गरेको बस दुर्घटनामा परेको छ । ग १ ख ३८८६ नम्बरको बस नियन्त्रण गुमाएर दुर्घटना भएको हो,दुर्घटनामा परी २२ जना घाइते भएको खबर प्राप्त भएको छ । जिल्ला प्रहरी कार्यालय, कास्कीका डीएसपी हरि बस्नेतका अनुसार, दुर्घटनामा परेर चालक र सहचालकसहित २२ जना घाइते भएका छन् । घाइतेहरुलाई गण्डकी मेडिकल कलेजमा उपचारका लागि पठाइएको प्रहरीले जानकारी दिएको छ । बसमा २६ जना सवार रहेको जानकारी दिइएको छ र थप विवरणहरू आउन बाँकी रहेकाे छ ।