बाग्मती प्रदेश

देश पोष्ट /काठमाण्डौ । बाग्मती प्रदेशका पर्यटनमन्त्रीको सरकारी निवासमा गत राती विद्युत सर्ट भई आगलागी भएको जानकारी प्राप्त भएको छ । हेटौँडा उपमहानगरपालिका ९ लामसुरेमा प्रदेशका संस्कृति, पर्यटन तथा सहकारीमन्त्री विमल ठकुरीको सरकारी निवासको माथिल्लो तलाको सभाहलमा हिजो राति आगलागी भएको जिल्ला प्रहरी कार्यालय मकवानपुरले जनाएको छ । हेटौँडा सिमेन्ट उद्योग लिमिटेडको कर्मचारी आवास क्षेत्रलाई प्रदेशका मन्त्रीहरुको निवास बनाइएकोमा मन्त्री निवासको बिजुलीको तार सट भई आगलागी हुँदा केही सामान जलेको प्रहरीले जनाएको छ ।